Fraile Cornudo - Galandum Galundaina

An 1996 nace l grupo de música tradicional mirandesa Galandun Galundaina, cul oujetibo de recolher, ambestigar i debulgar l património musical, las danças i la lhéngua de las tierras de Miranda. L grupo fai la lhigaçon antre la antigua geraçon de tocadores i la geraçon mais nuoba, mantenendo la cuntinuidade de la rica tradiçon desta region, que stubo quaije para se perder, durante anhos.

Ls einstrumentos usados, copiados de outros mui antigos, que mantenen l sou aspeto i senoridade, son: gaitas de fuolhes mirandesas, fraita pastoril, çanfona, caixa de guerra, conchas de Santiago, castanholas, pandeireta, etc.

A parte de la música anstrumental, l grupo apresenta un repertóiro de música cun bozes, fieles a las melodies tradicionales, anriquecidas cun timbres, ritmos i harmonies capazes de dar eimoçon i, porque nó, algua modernidade.